សីហា 29th, 2010 
admin ដំណើរទស្សនកិច្ចរយៈពេលបីថ្ងៃរបស់ប្រធានាធិបតីវៀតណាមនៅកម្ពុជា បានបិទបញ្ចប់នៅថ្ងៃសៅរ៍នេះ។ មេដឹកនាំកម្ពុជានិងវៀតណាម បានសម្រេចរួមគ្នាថា ប្រទេសទាំងពីរត្រូវបន្តកិច្ចសហប្រតិបត្តិការនិងសាមគ្គីភាពគ្នា ដើម្បីធ្វើឲ្យប្រទេសជិតខាងទាំងពីរកាន់តែមានភាពស្និទ្ធស្នាលនិង ជាអ្នកជិតខាងល្អ។
មន្ត្រីរដ្ឋាភិបាលវៀតណាម និងកម្ពុជាក៏បានវាយតម្លៃថា ដំណើរទស្សនកិច្ចរយៈពេលបីថ្ងៃរបស់ប្រធានរដ្ឋវៀតណាម លោក ង្វៀន មិញត្រៀត ដែលធ្វើឡើងតបតាមការអញ្ជើញរបស់ព្រះមហាក្សត្រខ្មែរ គឺ ជាជោគជ័យមួយក្នុងការពង្រឹងចំណងមិត្តភាពនៃប្រទេសទាំងពីរ កម្ពុជា-វៀតណាមដែលស្ថិតនៅក្នុងសមាគម អាស៊ានតែមួយ។ លោក កុយ គួង អ្នកនាំពាក្យក្រសួងការបរទេសកម្ពុជា បានថ្លែងថា ប្រទេសទាំងពីរនឹងកាន់តែមានកិច្ចប្រតិបត្តិការរវាងគ្នាកាន់ល្អប្រសើរថែមទៀត។ (ជាដើម)
Posted in 
